2026-cı il icmal büdcəsində qeyri-neft gəlirlərin payı cari ilə müqayisədə 5 faiz bəndi artaraq 63 %-ə çatacaq.

24İNFO xəbər verir ki, bunu maliyyə naziri Sahil Babayev Milli Məclisin bugünkü plenar iclasında “Azərbaycan Respublikasının 2026-cı il dövlət büdcəsi haqqında” qanun layihəsinin ikinci oxunuşda müzakirəsi zamanı deyib.

Nazir bildirib ki, növbəti il icmal büdcənin üçdə ikisi qeyri-neft sektorunun hesabına təmin ediləcək və bu tendensiya davam edəcək:

“2029-cu il üçün proqnozlar göstərir ki, xərclər çərçivəsində bu rəqəm 69–70%-ə çatdırılacaq. Bu istiqamətdə atılacaq addımlar ölkəmizin neftə asılılığını daha da azaltmağa və qeyri-neft sektorunun inkişafını sürətləndirməyə imkan verəcək”.