Türkiyənin 28 vilayətində son iki həftə ərzində İŞİD terrorçu qruplaşmasına qarşı keçirilən əməliyyatlar çərçivəsində 153 nəfər şübhəli şəxs qismində saxlanılıb.

24İNFO xəbər verir ki, bu barədə Türkiyənin DİN rəhbəri Ali Yerlikaya rəsmi “X” səhifəsində paylaşım edib.

Qeyd edilir ki, saxlanılan şəxslərin terror təşkilatına üzv olduqları, təşkilatla əlaqəli olduğu iddia edilən “yardım təşkilatları” vasitəsilə maliyyə dəstəyi göstərdikləri və sosial media üzərindən təşkilat təbliğatı apardıqları müəyyən edilib.

Əməliyyatlar zamanı çox sayda təşkilata aid sənəd və rəqəmsal materialın da ələ keçirildiyi bildirilib.